علـى الله نـاوي ٍ تدخـل بهـا الليلـه .. مُعذبْتـي

أبـد .. مـا جيـت ابـارك ولكـن جـيـت باوصّـيـك
علـى الله نـاوي ٍ تدخـل بهـا الليلـه .. مُعذبْتـي
ترى لولا الظروف اللي عطتْـك وحـدّت محاكيـك
قسـم بالله مـا تـدخـل عليـهـا لــو عـلـى رْقبْـتـي
ولكنّ النصيب اقوى ولا ادري ويش اسوّي فيك
نعـم .. صـارت معزّبتـك .. ولا صـارت معزّبْتـي
كـذا شـاءت بنـا الأقـدار تحرمنـي لـجـل تعطـيـك
كذا لازم عشـان تفـوز إنـت .. أخسـر بتجربْتـي
تـراهـا غالـيـه جــداً .. وتكـفـى .. والله يخلـيـك
تــــدللها .. تـدلـعـهـا .. تنـسّـيـهـا مصـاحـبْـتـي
أنا من كثر ما اغليهـا أحـس انـي بديـت اغليـك
ولا تـسـأل بـأيّــة حـــق ولا ّ وش مناسـبْـتـي
لإنـك لـو بتسألنـي بتسمـع شـيء مــا يرضـيـك
لــذا يـاخـوي لا تـســأل ولا تـسـمـع لأجـوبْـتـي
أبيـك تحطهـا فـي داخـل عيـونـك وبـيـن ايـديـك
وهـي دلـوعـه اعـتـادت عـلـى كـثـرة مداعبْـتـي
فداعبهـا شـوي شـوي حـتـى تشتـهـي طـاريـك
وشاغبهـا إلـيـن تـقـول لــك: بـطّـل مشاغبْـتـي
واذا هـي مالهـا خلقـك..ولا تضحـك ولا تسلّـيـك
تحمّلـهـا وإسألـهـا: يــا عـمـري لـيـه عصّبْـتـي
وبالـك اسمـع انّـك يـوم تضربهـا وهـي تشكيـك
مـا يحتـاج اورّي لــك بـفـن الـضـرب موهبْـتـي
صحيـح انـك بتملكهـا ومـعـك الـصـك بالتملـيـك
وانـا عــارف حــدود الله ومــن حـقـك معاقبْـتـي
ولـكـن قلّـهـا المجـنـون وصّـانـي وهــو يعنـيـك
يـقـول انّــه بينتـظـرك ولـــو شـيّــب وشيّـبْـتـي
وانا مجنونها اللـي مـا نساهـا وانـت مـا يمديـك
تغطّـي ذكرياتـي فــي هـواهـا.. وربْــع تجربْـتـي
أحـس انـي تماديـت بكلامـي.. والغضـب حاديـك
ولـو انّـك فـي مكانـي مـا تفـكّـر فــي محاسبْـتـي
كفـاك انـي تركـت الليلـه اشغالـي عشـان اجيـك
دخلـت القاعـه برجلـي ولا ادري ويـش عاقبْتـي
وانـا مـا جيـت اخـرّب عرسـك الليلـه ولا أذّيــك
أنـا جيتـك عشـان اخاطـبـك واسـمـع مخاطبْـتـي
توصّى..وانتبـه..واحـرص عليـهـا والله يهنّـيـك
تـرى كـل الكـلام اللـي طلَـع مـن ضيقـيَ وكبْتـي
ولكـن مـا قـدرت انّـي أقولـه وانـت مــا يخفـيـك
أخــاف انّــي إذا قلـتـه تـقـوم وتـقـطـع رْقـبْـتـي

اهلا بكِ كبرياء انثى
لا بالله لا تبكي عاد منهو يسكتك ههههههههههههه
الله يسعدك الف شكر يا مرقبتنا القديره على هذا التواجد المشرف لي
لاعدمناك على تنويرك للمتصفح
عسام على القوة

مديرتنا سكر
اهلا بسموك الكريم هنا في هذا المتصفح المتواضع
الف شكر لهذا الاطراء والتواجد لاعدمتك سكر وكلك ذوق

مديرتنا سكر
اهلا بسموك الكريم هنا في هذا المتصفح المتواضع
الف شكر لهذا الاطراء والتواجد لاعدمتك سكر وكلك ذوق